< الاغاني الشعبيه الكويتيه >

السلآمـ عليكمـ ورحمة اللهـ وبركآته


لكل أمة تراثها الشعبي .. وأغانيها الشعبية التي تعتز بها .. وتعمل على المحافظة على أصالتها ..

فهذه الأغاني رددها آباؤنا وغنتها أمهاتنا .. وامتزجت بدمائنا وتاريخنا .. واختلطت بأفراحهم وطفولتهم ..


اليكم مجموعة من الأغاني الشعبية الكويتية .. اخترتها لكم واتمنى بأن تنال على اعجابكم ..



أقرع مقيرع طاح بالطاسه
صيح على امه يبي قرقاشه


( مصدر هذه الأغنية حي الوسط )




غزالة بزاله
تحقرص تمقرص
ضب اضباب
الليلة بلاغة
بلغتم در


( الأغنية معروفة في كل أحياء الكويت )




شوط شوط يالبطه ولعن ابو من حطه
ما حطته الا سويره
وسويره راحت البر وتييب العيش الاحمر
وتحطه بالصواني
على جيت خوالي .. خوالي يا دلالي
يا مضيعدي يالسودي سود على ويه الصبي
ترى الصبي ما يستحي
يلعب مع البنيوتي

أمي تناديني .. مادري اشتبي فيني
تبي اتحنيني في مليله الصيني
صيني على صيني واروح بيت الله
والقى حبيب الله
قاعد على سجادته ياته الغزاله ونادته

( مصدر هذه الأغنية حي الشرق )




يا يما قومي طلي .. يا يمه قومي طلي
شوفي البحر محتاس .. شوفي البحر محتاس
شوفي شراع أبيي .. شوفي شراع أبيي
أبيض جنه القرطاس .. ابيض جنه القرطاس
شوفي شراع بوغبور .. شوفي شراع بوغبور
اسود جنه الدخان .. اسود جنه الدخان

( مصدر هذه الأغنية حي الشرق )




شتدورين يا أم أحمد .. أدور ابرتي
شتخيطين يا أم احمد .. ثوب أحمد اولدي


( مصدر هذه الأغنية حي الوسط )




خروف مسلسل ..... هدوه
تراهو ياكم ... هدوه
خرب قواكم .... هدوه
في ريله اقراحه .... هدوه
كبر البراحه .... هدوه

( الأغنية معروفة في كل أحياء الكويت )




السبت .. سبمبوت
الاحد .. عنكبوت
الاثنين .. بابين
والثلاثه .. مناره
والاربعا .. ابشاره
والخميس .. ذبحنا ابليس
واليمعه .. عيدنا وعيد الرسول

( الأغنية معروفة في كل أحياء الكويت )




يا كوس عود .. ما نبيك الليلة الليلة
نبي لغريبى .. والهبوب الزينه الزينة
سبعة مراكب .. شبهوها ابشيله ابشيله
طلع بو زرقه .. يم البيوت البيوت

( مصدر هذه الأغنية حي الشرق )




كيا شاوينا
شاوي المطبه
صيح على أمه
يبي ارطبه

( مصدر هذه الأغنية حي الشرق )




وصلنا البيت لو بعد
بعد اقطيمة السعد
وصلنا البيت لو بعد
بعد اشوية وارتعد

( مصدر هذه الأغنية حي الوسط )




يا أم الغيث غيثينا
خلي المطر يجينا
بلي اثويب راعينا
خلي العشيبة تنبت يرعاها اطليينا
وعبدك يسقي خيله على درب الشامية

( الأغنية معروفة في كل أحياء الكويت )




قرقيعان البنات :

قرقيعان وقرقيعان .... بيت اقصير و رمضان
عادت عليكم صيام .... كل سنه وكل عام
يالله سلم ولدهم .... يالله خله لامه
عسى البقعة ما تخمه .... ولا توازي على أمه

قرقيعان الصبيان :

سلم ولدهم يالله .... خله لمه ياالله




صلوح ملوح الي يدل بيت اهله يروح



من كتاب .. أغاني الأطفال في الكويت